الكتاب المقدس مقسوم لجزئين مميزين العهد القديم والعهد الجديد. العهد القديم فيه قصص عن الشعب اليهودي،والتاريخ بتاعهم وأنبياءهم, أما العهد الجديد فيه قصص ورسايل عن يسوع والناس اللى بيتبعوه* الفرق ده مهم لأن العهد القديم كان بيتعلم في الإيمان اليهودي وبيتسمى "التناخ". ده معناه إن أي تغييرات في العهد القديم كانت هتحتاج تعاون بين اليهود والمسيحيين، وده مستحيل لأن التاريخ بيقول إن المجموعتين مكنوش متفقين. لو أي مسيحي حاول يغير حاجة في العهد القديم، قيادات اليهود كانوا هيعرفوا على طول وهيقدروا يثبتوا إن المسيحيين بيعلموا حاجات غلط. كمان، كتير من الرسل كانوا أصلا يهود، زي بولس اللي كان متعلم كويس جدًا وكان عارف التناخ بشكل ممتاز، وكان هيعرف لو أي تغيير حصل. واليهود، من ناحيتهم، عمرهم ما كانوا هيغيروا حاجة في التناخ لأنهم كانوا بيتعاملوا معاه باحترام وتقدير كبير لدرجة إن مجرد الكلام عن فكرة تغييره كان يعتبر سبب للإعدام,عشان كانوا مأمورين يحافظوا على سلامة الكتاب

لاَ تَزِيدُوا عَلَى الْكَلاَمِ الَّذِي أَنَا أُوصِيكُمْ بِهِ وَلاَ تُنَقِّصُوا مِنْهُ، لِكَي تَحْفَظُوا وَصَايَا الرَّبِّ إِلهِكُمُ الَّتِي أَنَا أُوصِيكُمْ بِهَا(.التوراه التثنية ٤: ٢))

فكان مستحيل إن المسيحيين يقدروا يغيروا حاجة في العهد القديم التغييرات كانت هتبان بسهولة لما يقارنوا كلام العهد القديم بالتناخ، ولو المجموعتين غيروا حاجة، كان هيبقى فيه اختلافات بين الكتابين. لكن ده مَحصَلش. العهد القديم والتناخ زى بعض تمام ، ومفيش اى اختلاف بينهم.

لكن ده بيحط سؤال تاني، هو ممكن يكون التناخ اتغير قبل ظهور المسيحية؟ عشان نجاوب على السؤال ده، بنبص على الاكتشافات الأثرية اللي ممكن تساعدنا. في الحالة دي، أهم الاكتشافات كانت مخطوطات البحر الميت.

مخطوطات البحر الميت هي مجموعة من المخطوطات اللي اتلقت في كهوف في الضفة الغربية ايامنا دى . المخطوطات دي فيها أجزاء من كل كتب التناخ، ما عدا سفر إستير، وتاريخها بيرجع للقرن الثالث لحد القرن الأول قبل الميلاد.^. .^. والأعجب من كده إن المخطوطات دي مفيهاش أي اختلافات كبيرة عن كتابات التناخ، وبالتالي العهد القديم. دي أكتر مجموعة كاملة من نصوص العهد القديم القديمة اللي اكتشفوها لحد دلوقتي، وبتثبت إن العهد القديم مفيهوش أي تغييرات من قبل زمن يسوع وبداية الإيمان المسيحي