قبل ماأعرف ربنا أنا كنت بخيل جدا كنت دايما عايز فلوس وحاجات كتير وكنت غضوب جدا عشان كنت شايف ناس كتير عندها حاجات كويسة اوي وكنت حاسس ان المفروض يكون عندي نفس الحاجات. عمري ماكنت راضي بحالي وكنت متخيل ان لو عندي حاجة مختلفة كنت هابقى مبسوط وحتى لما كان بيبقى عندي حاجة جديدة ماكنتش بابقى مبسوط لكن اصعب حاجة هي اني كنت حاسس بالوحدة من جوايا وكنت بابقى وسط ناس كتير لكن برضه حاسس بالوحدة

وبعد كده صديقي قاللي حاجة يسوع قالها “ماذا ينتفع الانسان لو ربح العالم كله وخسر نفسه”ففكرت ان فعلاً ايه اللي هينفعني؟! أدركت ان هو ده بالظبط اللي انا باعمله فإبتديت اقرا الكتاب المقدس عشان اعرف يسوع بجد وادركت ان الاله اللي خلق الكون كله مهتم بي وبيحبني جدا وجه للارض عشان يموت بدالي ويهزم الموت 

فصليت وقولت لربنا انا تعبت من بُخلي وغضبي واني مش راضي بحالي ومن الوحدة انا مصدق ان يسوع مات بدالي وقام من الموت وأنا باقرر أسلمك قلبي وحياتي واعيشلك للابد

من الوقت ده أنا مابقتش بخيل ولا غضوب ومابقتش باهتم بالحاجات اللي عند الناس وبقيت راضي عن حالي وفهمت ان ربنا باركني بطرق كتير وبقيت شاكر جدا

لكن احسن حاجة ادركتها اني مش هابقى وحيد تاني 

, الروح القدس ساكن جوايا وطول الوقت معايا ويسوع معايا لاخر يوم في حياتي