لما كنت صغيرة، عيلتي كانت بعيدة عن ربنا. بس طول الوقت كنت عايزة أعرف أكتر عن ربنا. كان عندي فضول كبير.

روحت كنايس مختلفة كتير مع صحابي، وقريت كتب كتير عن أديان مختلفة

في ليلة من الليالي، حلمت إني كنت ميتة وكنت بتكلم مع حد. في المكان اللي كنت فيه حسيت بسلام وحب مش طبيعي. كان إحساس مختلف عن أي حاجة حسيتها قبل كده. كمان حسيت إن في حد بيقولي إنه بيحبني. 

لما كنت في الجامعة، قررت آخد كورس في العهد الجديد من الكتاب المقدس. كنت عايزة حد حيادي يشرحلي. ولما قريت عن يسوع وعرفت أصول الكتاب المقدس، اتأكدت إن كلام الكتاب المقدس حقيقي وإن يسوع هو فعلًا اللي بيقول انا هو. كمان افتكرت الكلمات اللي سمعتها في حلمي إن يسوع بيحبنا فضلت أتعلم أكتر عن يسوع وأنا في الجامعة. في ليلة وأنا لوحدي، حسيت إن يسوع بيطلب مني أكون واحدة من أتباعه. صليت وطلبت منه يعيش في قلبي ويقبلنى اكون واحده من عيلته. على طول حسيت بان خطاياي بتتشال وقلبي اتملّى حب وفرح بالظبط زي اللى كان في حلمي.

دلوقتي عارفة إن لو عندي أي مشاكل، أقدر أصلي لربنا وهو هيساعدني. طبعًا، كل الناس عندهم مشاكل، بس هو وعد إنه هيكون معايا لغاية النهاية. وكمان هيهتم بيا زي ما بيهتم بالورد في الحدايق والطيور في الشجر.