كنت بعدّي بوقت صعب جداً في حياتي كنت فاقد الامل وناقم طول الوقت على كل اللي حواليّ كنت غضوب ومزاجي لأبعد درجة. كان عندي شكوك كتير في الله لدرجة اني كنت متأكد من عدم وجوده. وبقيت مُلحد . فقدت والدي وأنا صغير جدا و إتربيت في دار أيتام. وكنت حاسس بوحدة شديدة وكأني انا لوحدي في العالم كله. بقيت عبد لبعض الحاجات اللي قيدت حياتي زي إدمان التدخين

. لحد ما فيه يوم الظروف سمحت اني اشتغل في القاهرة وأثناء ركوبي للقطر إتعرضت لحادثة غيرت حياتي. كنت باجري ناحية القطر عشان ألحقه وماكنتش واخد بالي ان فيه قطر تاني ورايا, وحسيت ان فيه إيد قوية شدتني بقوة بعيد عن القطر . الايد الغريبة القوية العجيبة دي انقذتني من الموت وبدأت ابكي وأصلي في الليلة دي على غير العادة وقررت اني اعيش للرب. اتغيرت حياتي تماماَ من الحزن للفرح والسعادة وبدأت أخدم ربنا. ودلوقتي انا باخدم اللي أنقذ حياتي من الموت