انا كبرت واتربيت في بيت مسيحي بيؤمن بالمسيح علشان كده اتعمدت وأتبعت تعاليم المسيح لكن في سن المراهقة بدأت أتمرد على القواعد علشان أكون زي أصحابي . أنا كنت فاكرة إني كنت سعيدة ومستمتعة بحياتي ولكن في أوقات معينة كنت باحس أني ضايعة وفاضية من جوه علشان كنت بعيدة عن ربنا. التغيير إبتدى في حياتي لما كنت حامل في بنتي كنت عايزاها تؤمن وتتبع ربنا . كنت عايزة أكون أم كويسة وكنت عايزة أكون مُخلصة للمسيح . أنا صليت ودعيت ربنا وتوبت عن خطيتي وقولتله انا أسفة علشان عملت حاجات غلط وأسفة على أنانيتي وغيرتي وغضبي وقولتله اني عايزة أتغير وأكون إنسانة أحسن . أنا شكرت المسيح علشان مات على الصليب علشان يدفع تمن خطيتي . وبدأت أقول للناس إني من أتباع المسيح ووعدته إني أتبعه باخلاص. وبعد الصلاة دي أنا إتغيرت وحياتي إتغيرت . انا بقيت مًحبة وعطوفة أكتر مع الناس وحسيت بسلام داخلي . وعرفت ان ربنا قريب مني واني أقدر أكلمه في صلاتي . بدأت اقرا الانجيل وأفهم ازاي أعيش حياة ترضي ربنا . ٍحياتي كان فيها أوقات صعبة وفي الاوقات الصعبة دي أنا كنت عارفة ان المسيح معايا وبيحبني وهو اللي بيريحني لما أعيط