من وانا صغيرة كنت منتظمة على الكنيسة وكنت بقول على نفسي دايماً اني مؤمنة. لكن ماكانش في ثمر ايمان باين في حياتي وبمجرد ماقربت من يسوع بعد سنين كتير كنت عايشة فيها بعيدة عنه إختبرت سلام وفرح حقيقي ماحسيتوش قبل كده

الحياة مع يسوع مش دايماً سهلة, انا باشوف اني محتاجة اقدمله عبادة في كل حاجة بعملها. وهي قرار يومي اني اتبع يسوع بغض النظر عن الظروف. وانا عايشة في العالم كنت حاسة بفراغ شديد. فراغ خلاني احس بغيرة وغضب ناحية الناس والاشياء. لكن الحياة مع المسيح فيها فرح حقيقي ومستمر.

صعب جداً اختار ايه واحدة من الكتاب المقدس كله ,لكن الأية المفضله عندي موجودة في فيلبي8:4 أخيرا ايها الاخوة كل ماهو حق كل ماهو جليل كل ماهو عادل كل ماهو طاهر كل ماهو مسر كل ماصيته حسن, ان كانت فضيلة وإن كان مدح, ففي هذه افتكروا